Karta hosi La'en Ba Fen Servisu Iha Fatin Prostituisaun.
Karta Hósi La'en Ba Fen Servisu Iha Fatin Prostituisaun
Doben hadomin o,saudades o la furak ona hanesan tempu pasado ne’ebe ita sei namora,hato’o hósi ibun ba ibun ho liafuan-mamuk.Maibe,hadomin o,saudades o atu furak iha tempu ohin loron mak ita-rua nia ahi-matan tenke suar/lakan iha tempu dader,meudia ho kalan.
Ideia oin-oin mosu iha sosiadade relasiona ho doben nia aktividade servisu, ema balun hateten doben la-iha moral – Balun hateten hau núdar mane ne’ebe la-iha responsabilidade bá famila – Balun hateten ida ne’e hanesan planu moromak nian,hau rasik,susar atu hatan bá hanoin hirak ne’e.Maibe hau iha esperansa tempu sei lori ema hirak ne’e hodi konese realidade ho klean no buka-tuir kausa fundamental sira ne’ebe halo ita nia moris sai hanesan ne’e.
Doben hau hadomin o liu bu’at hotu-hotu no hau konsiente katak o nudar humanidade ne’ebe realistiku,nakonu ho dignidade humana.Maibe liu kondisaun moris iha sidade – hela fatin klo'ot ho distansia 3/3 metru kuadradu(kos) – Hau nudar lisensatura akademiku dezempregadu – ita la-iha rai rasik no uma rasik atu moris kontente no haksolok haneasan Ema seluk. Ha'u prontu simu aktividade servisu ne’ebe o halo sai nudar feto prostituisaun.
Doben sai feto prostituisaun la’os o nia hakarak,la’os hau nia hakarak no la’os ita la-iha moral,dignidade humanidade no planu maromak nian,maibe kausa husi kondisaun ekonomia kapitalizmu.Iha ne’eba halo servisu ho kuidadu,hau iha ne’e kuidadu labarik ho domin ne’ebe hau iha.
Virus eziste tamba iha kausa,diagnosa nudar meus efektivu hodi halakon virus.Fen sai feto prostituisaun nudar mos virus sosial,ita hamutuk halo diagnosa hodi fo solusaun.
Metiaut 26/11/2021
19:00htl
