Poilaku Ho Anonim
Poilaku Ho Anonim.
Poilaku núdar feto morena, hela besik iha sidade. Aktividade ne’ebé Poilaku hala’o iha nia moris, la’o mesa-mesak bá sidade laran, hamaluk ho nia livru tuan ne’ebé tinan rihun-sanulu bá kotuk, beila fo hela bá nia, atu hakerek kona-bá realidade ne’ebé nia hasoru iha mundu real. La’os Imaginasaun.
Loron bá loron, Poilaku la’o no hakerek, tempu ne’ebé diferente, nia hetan belun mane ne’ebé tempu antes nia sedauk fahe kontente no triste hamutuk, tur hela ho nia kaneta iha moru-hun, besik dalan ne’ebé Poilaku liu bá-mai. Belun ne’e naran Anonim.
Liu hósi sira nain-rua nia hasoru-malu, hakesi no hametin liu-tan sira-rua nia relasaun. Ikus sira nain-rua futu lia hamutuk, riska letra ne’ebé bele lori ema bá konese nia-án ho realidade moris. Inklui fahe letra hirak ne’ebé sira riska bá ema seluk ne’ebé lakon esperansa bá moris hanesan mós ho sira-rua, iha mundu nakukun, haleu ho kores metan.
Tempu tuir mai, letra ne’ebé sira riska, nakfilak-án bá liafuan, iha kbi’it no forsa bá hafanu ema neon no hatudu dalan bá sira atu halakon mundu nakukun no hamosu mundu naroman. Ema hotu moris tuir lia domin.
Feto ho mane fo liman bá-malu, hamutuk, luta bá harahun kultura patriakal no kapitalismu.
Loron: 8-3-2023